திருவேப்பம்பாவை

கார்த்திகை திங்கள் பசிநிரைந்த நன்னாளில்

ஊர்த்திரிந்து புதுசினிமா ஒன்றையும்

பார்த்துவிட்டு நான் பிறந்தகம் திரும்ப

வேர்த்தப் புருவம் ஏரார்ந்த கண்ணியாள்

சீர்பொழிந்து வளர்த்த தாயென்னை நோக்கினாள்

பார்த்தாயா என்பசி வடிந்த முகத்தை

நார்த்தங்காயும் மோர்சாதமும் கொடென்றேன்

தீர்த்து விட்டனர் உன் தம்பியும் தங்கையும்

சேர்ததனை என்றாள் பாத்திரம் காட்டி

வார்த்தை வராமல் வாயைநான் பிளக்க

கூர்வேல் பசிவலியை குடலளவு கற்றவள்

வார்த்து தருகிறேன் ஊத்தப்பம் உனக்கென்றாள்

பூர்த்தி செய்தேன் பூரித்தேன் வயிறார

தீர்த்தமும் அருந்தி திண்ணையில் பாய்விரித்தால்

கீர்த்தனமாய் விட்டது ஏப்பமே எந்தன்வாய்.

கவிதைகள்

1. தும்பியின் ஏளனம்

2. என் அப்பாவுக்கு பிடித்த கவிதை

3. சொல்லணி கொன்றை

4. மல்லை சிற்பியர் வாழ்த்து

5. வராஹமிஹரரின் அகத்தியர் துதி