எழுத இயலாத் தமிழ்

எழுத இயலாத் தமிழ்

ஜேரட் டைமண்ட் எழுதிய “துப்பாக்கிகள், கிருமிகள், இரும்பு – சமூகங்களின் ஊழ்” என்ற நூல் எனக்கு மிகவும் பிடித்தது. வரலாறு, மொழியியல், வேளாண்மை, உயிரியல், மனிதவியல், தொல்லியல் என்று பல துறைகளை அறிமுகம் செய்து, விளக்கி, மயக்கி, எண்ணம் சிலிர்க்க வியப்பூட்டியது அந்நூல்.

2006இல் திரைக்கதை கட்டுரை சிறுகதை எதுவும் எழுதவராமல் திணறி தவித்தபோது, ஒரு நாத்திக நாரதர் என் பகற்கனவில் வந்தார். மதச்சார்பற்ற வீணை வாசித்துக்கொண்டே இந்நூலை நீ தமிழாக்கம் செய்யலாமே என்று சமீபத்தில் லத்தீன மொழியில் உபதேசித்தார்.

நானூறு பக்க புத்தகம். ஒரு நாளைக்கு பத்து பக்கம் மொழிபெயர்த்தால் நாற்பது நாளில் பணி முடியும். யாரும் அச்சிடமாட்டார், அச்சிட்டாலும் யாரும் படிக்கமாட்டார், ஆயினும், எழுதும் பழக்கமாவது உண்டாகும் என்ற அசட்டு வீரத்தில் தமிழாக்க தொடங்கினேன். முதல் பக்கமெழுதவே ஒரு நாளானது. ஐந்து பக்க முன்னுரையை மொழிபெயர்க்க ஒரு வாரம் ஆனது. பற்பல ஆங்கில சொற்களுக்கு எனக்கு தமிழ் சொல் தெரியவில்லை (உதாரணம் – molecule, species, extinct, aborigine, hunter-gatherer, Conquistadore). நன்கறிந்த சில சொற்களை டைமண்ட் வேறு பொருளில் பயனிக்க (உதாரணம் – selection, domesticate, glorification, radiation, Fertile crescent, Racial difference), அதற்கேற்ற தமிழ் சொல் என்னவென்று தலைச்சொரிந்து நூலகம் புத்தகக்கடை என்று அகராதி தேடி அலைந்தேன். அறிவியல் தமிழ் நூல்கள் மிகச்சிலவே என்று சீக்கிரம் புரிந்தது. இலக்கியக்கூட்டத்திலோ இணையதளத்திலோ பெ.நா.அப்புசாமி, சாமுவேல் ஃபிஸ்க் கிரீன் தவிற எந்த எழுத்தாளர் பெயரும் எழவில்லை. வீண் முயற்சி என்பது உறுதியானது.

நாமே ஒரு பட்டியல் செய்வோம் என்று செய்த பட்டியல் இங்கே. என் தமிழ் அறியாமைக்கும் இயலாமைக்கும் சான்று! விவசாயத்தின் வரலாறு ஒரு அத்தியாயம்; ஐந்து பக்கம். எழுத்தமைதியின் வரலாறு ஒரு அத்தியாயம்; இருபது பக்கம். இவற்றை முதலில் தமிழாக்க திட்டம். மொழிபெயர்க்கும் முன் இந்த பட்டியலை உருவாக்கினேன். இதற்கே இரண்டு மூன்று வாராமானது. அதற்கு பின் அந்த இரண்டு அத்தியாயங்களை தமிழாக்க இரண்டு மாதமானது. ஒரு நாளுக்கு ஒரு பக்கம் தமிழாக்குவதே பகீரத பிரயத்தனம். வீட்டில் இருப்புக்கொள்ளவில்லை. பூங்கா, கடற்கரை, கோயில், சிடி செண்டர் சந்தை, மாம்பலம் பழவந்தாங்கல் அம்பத்தூர் ஆவடி ரயில்வண்டி நிலையங்கள் – இப்படி பற்பல் பொது இடங்களுக்கு சென்று எழுதினேன். மூன்று மாதத்திற்கு பின் கைவிட்டுவிட்டேன். சமீபத்தில் வேறு யாரோ இந்நூலை தமிழாக்கம் செய்து அச்சில் வந்ததை பார்த்தேன். லேசான மகிழ்ச்சி, லேசான பொறாமை.

நல்ல வேளை இதை நான் தொடரவில்லை என்ற ஒரு ஆறுதல்.

           

Asia	ஆசியா	Climatology	வானிலையியல்
Blacks	கருப்பினர்	Calibrate
Bronze age	வெங்கலக்காலம்	Great ape	பெருங்குரங்கு
Cargo	சரக்கு	Fossil
Continent	காண்டம்	Flake
Discovery	கண்டுபிடிப்பு	Flint	பொறிக்கல்
Diversity	வேற்றுமை	Standardized
domestic animals	கால்நடை விலங்குகள்	Contemporary	சமகாலத்து
Eurasia	யுரேசியா	Great Leap Forward	மாபெருந்தாவல்
Europe	ஐரோப்பா	Anatomical
History	வரலாறு	Voice box	குரலுறு
Huntering gathering	வேட்டை-சேர்த்தல்	Hybridization	இனக்கலவை
Industry	தொழில்நுட்பம்	Extermination	இன ஒழிப்பு
Iron age	இரும்புக்காலம்	Marsupial
Literacy	எழுத்தறிவு	Rain-forest	மழைவனம்
MesoAmerica	மத்திய அமெரிக்கா	Habitable	வாழக்கூடிய
Metal tools	உலோக ஆயுதம்	Alphabet	கசடதபறம்
N/S America	வட/தென் அமெரிக்கா	Syllable	கூட்டொலி
Native	ஆதிவாசி	Sign	சின்னம்
New Guinea	புதுகினி	Determinative	துணைசின்னம்
People	இனம்	Logogram
Plurality	பன்மை	Pictogram	சித்திரச்சின்னம்
Pre-history	முன்வரலாறு
Proximate causes	சமீபத்து காரணங்கள்
Society	சமுதாயம்
Stone age	கற்காலம்
Tame animals	அடங்கிய விலங்குகள்
Technology	தொழில்நுட்பம்
Ultimate causes	மூலக்காரண்ங்கள்
Whites	வெள்ளையர்
Historians	வரலாற்று வல்லுனர்
Aborigines	அபாரிஜின்
Metric	அளவுகோல்
Racial difference	இனவேறுபாடு
glorification	புகழ்தல்
Evolution	பரிணாம வளர்ச்சி
Evidence	சான்று
Fertile crescent	செழிப்பு பிறை
Gene	மரபணு
Natural selection	இயற்கை தேர்தல்
Infection	தொற்றுநோய்
Molecular biology
Proto-human
Epidemic
Linguistics	மொழியியல்
Disciplines	துறைகள்
Fraction	பகுதி
Radiation	படர்தல்
Model
Conquistadore
Axis
Diffusion	பழக்கப்பரவல்
Egalitarian	சமத்துவம்
Sedentary	குடியான
Nomadic	நாடோடி
Chapter	படலம்
Part	அத்தியாயம்
Replacement
Expansion	பரவல்/படர்தல்
Colony	காலனி
Colonize	ஆதிக்கம்
Conquest	நிலபற்றல்
Similarities	உவமானங்கள்
Triggered	நாணேற்றம்

பின்புலம்

நான் 2000த்தில் கணினித்துறையை கைக்கழுவிவிட்டு அமெரிக்காவிலிருந்து சென்னைக்கு திரும்பி வந்தேன். அங்கிருக்கும் போதே ஆங்கில திரைக்கதை எழுதி சினிமாவும் தொலைக்காட்சி தொடரும் இயற்ற ஆசை. அறைகுறையாக சில திரைக்கதைகளை எழுதி வைத்திருந்தேன். அன்று ஒலிபரப்பாகிவந்த Frasier ஃப்ரேசர் என்ற நகைச்சுவை தொலைகாட்சி தொடருக்கு எழுதிய திரைக்கதை மட்டுமே முற்றும் எழுதிமுடித்தேன். சில ஏஜண்டுக்களுக்கு அனுப்பினேன், யாரும் சீண்ட கூடவில்லை.

1998ல் லாஸ் ஏஞ்சலசில் நடந்த ஒரு திரைக்கதை மாநாட்டுக்கு சென்று ஒரு சில தயாரிப்பாளர்களையும், எழுத்தாளர்களையும் சந்தித்து பேசினேன். நான் சந்தித்ததில் ஃப்ரேசர் தயாரிப்பாளர் பீட்டர் கேசி, மற்றும் திரைக்கதை எழுத்தாளர் ஷேன் பிளாக் ஹாலிவுட் பிரியர்களுக்கு தெரிந்திருக்கலாம்.

ஆங்கிலத்தில் ஒரு சினிமா திரைக்கதை தமிழில் ஒரு சினிமா திரைக்கதை எழுதத்தொடங்கி, பாதியில் இன்றும் நிற்கின்றன. சென்னை வந்தபின் வேறு சில திரைக்கதை நாவல் சிறுகதை எல்லாம் இப்படியே வேகாமல் அடுப்பிலிருந்து இறக்கிவைத்துவிட்டேன். பொருளியல், உயிரியல், மொழியியல் நூல்களை படித்து வெவேறு ஆர்வத்தில் மனம்போன போக்கில் வாழ்க்கை. அந்த கட்டத்தில் 2006ல் எழுத்துப்பயிற்சிக்காக இந்த வினை…

1.   தமிழில் பீரியாடிக் டேபிள் 

2.   நூல் அறிமுகம் Guns Germs and Steel

3.   ஜல்லிக்கட்டு நடை – ஜூல்ஸ் வெர்ண் 

4.   தமிழில் பிறமொழி எழுத்தும் ஒலியும் 

5.   நம்புங்க நானும் ஒரு கம்ப்யூடர் ஆசாமி தான் 

6.   Guns Germs and Steel தமிழில் துப்பாக்கிகள், கிருமிகள், எஃகு