கடலோடி

என் வாழ்வில் கிடைத்த தலை சிறந்த பாக்கியங்களில் ஒன்று, நரசையாவின் நட்பு. சிலரது அறிமுகம் கிடைத்தாலே பாக்கியம். சிலரது வழிகாட்டல் கிடைத்தால் பாக்கியம். சிலரது படைப்புக்களை ரசிக்க வாய்ப்பு கிடைத்தாலே பாக்கியம். இது எல்லாம் கிடைத்து அதற்கும் மேல், அன்பு, அக்கறை, ஆசிர்வாதம், என்று வரிசையாக மழை பெய்து, நட்பும் கிடைத்தால் என்ன சொல்வது?

ஆலவாய்

முதன் முதலில் அவரை நான் பார்த்ததும் கேட்டதும் மதறாஸ் நாள் கொண்டாட்டத்தில். 2004 அல்லது 2005 என்று நினைக்கிறேன். சேமியர்ஸ் இல்லத்தில் அவர் கணித மேதை ராமானுஜனை பற்றி உரையாற்றினார். உரைமுடிந்ததும் ஒரு பிரபல பாடகர் கேட்ட குறும்பு கிசுகிசு கேள்வியை மெள்ள சிரித்து நரசையா உதறியது தான் ஏனோ பளிச்சென நினைவிருக்கிறது. பின்னர் ரோஜா முத்தையா நூலகத்திலும் வேறோரிரு இலக்கிய கூட்டத்திலும் பார்த்திருக்கலாம். 2009ல் தமிழ் பாரம்பரிய அறக்கட்டளையில் டக்கர் பாபா அரங்கில் தான் எழுதிய ஆலவாய் நூலின் ஆய்வுகளை பற்றி பேசினார். சென்னை பட்டணத்து எல்லீசன் என்ற ஆங்கிலேய அதிகாரியின் தமிழ் கல்வெட்டு என்னை அசத்தியது. வீரபாண்டிய கட்டபொம்மன் போன்ற படங்களில் பேசும் ஆங்கிலேயர்களை மட்டுமே மனதில் கண்ட எனக்கு, எல்லிஸ் போன்ற பண்டிதர்கள் இருந்ததும், எல்லீசன் என்று தன்னை அழைத்துக்கொள்வதும் மிக விசித்தரமாக தோன்றியது. அப்பொழுது வில்லியம் ஜோன்ஸ், ஜேம்ஸ் பிரின்செப், அலெக்சாண்டர் கன்னிங்காம், காலின் மேகன்சீ, யாரும் தெரியாது. கால்டுவெல், போப், வீரமாமுனிவர் கேள்விப்பட்டாலும், அந்த கல்வெட்டும் கவிதையும் அதிசயம். அரங்கத்தில் மேசைமேல் நரசையாவின் நூல்கள் காட்சிக்கும் விற்பனைக்கும் இருந்தன.

சில மாதங்களில் (டிசம்பர் 2010 என்ற நினைவு) தபாஅ-வின் மல்லை கலை உலாவுக்கு முன் பல்லவகிரந்தம் பற்றி ஒரு உரையாற்றினேன், நரசையா வந்திருந்தார். நான் பேசிமுடித்தபின் ”நிறைய உழைதிருக்கிறாய், நன்றாக தெரிகிறது” என்று பாராட்டினார். அதன்பின் பல முறை சந்தித்தோம். ஒருமுறை சென்னை புத்தகக் கண்காட்சியில் தொல்லியல் ஆய்வாளர் பத்மாவதி, தமிழ் மரபு அறக்கட்டளையின் ஜெர்மனி வாழ் சுபாசினி இருவரையும் அறிமுகப்படுத்தினார். பத்மாவதி என்னை ஏதோ கேட்க, உங்கள் உரைகளை கேட்டுள்ளேன் மேடம், என்று நான் சொல்ல, அவருக்கு ஏகப்பட்ட மகிழ்ச்சி, அதே சமயம் “இங்கபாரேன், ஏற்கனவே தெரிந்தும் அடக்கமா எதுவும் தெரியாத மாதிரி வாசிக்கிறத” என்றார். என் முகத்தில் நரசிம்ம ராவ் சாயல் தெரிந்ததா அர்சுணன் தபசு பூனை சாய்ல் தெரிந்ததா என்று எனக்கு இன்று வரை சந்தேகம். நரசையாவின் “கடல்வழி வணிகம்” புத்தகம் தேடி வாங்கவே அன்று புத்தக கண்காட்சியில் அன்று மேலும் அலைந்திருந்தேன். பல மாதங்களுக்கு பின் ஒரு நாள் சந்திக்க பேராசிரியர் சுவாமிநாதன் என்னை அழைத்து சென்றார். கடல்வழி வணிகம் நூலை நீட்டி கையொப்பம் வாங்கினேன். கடலோடி புத்தகத்தை பரிசளித்தார்.

சாமிநாதனுடன் நரசையவின் இல்லத்தில் 

கடலோடி

கடலோடி தமிழ் இலக்கியத்தில் ஒரு விசித்திர சம்பவம். அந்நாள் வரை அப்படி ஒரு நூலை தமிழில் யாரும் எழுதியதில்லை. செவ்விலக்கியமும் தெரியாத, சமகால தமிழ் இலக்கியமும் தெரியாத நான் இதைசொல்ல தகுதியில்லாதவன். இந்திரா பார்த்தசாரதி, தி ஜானகிராமன், போன்ற ஜாம்பவான்கள் இதை உணர்ந்து எழுதியுள்ளனர். என் கல்லூரி நண்பர் ஜோசப் ஆனந்தும் நரசையாவை பற்றி ஒரு முறை பேசி ஆச்சரியப்படுத்தினார். நாங்கள் படித்த அருள்மிகு கலசலிங்கம் கல்லூரியில் படித்த வேறு ஒருவர் கப்பல் துறையில் சேர்ந்ததாகவும், நரசையா நடத்திய கப்பல் பொறியியல் வகுப்புகளில் படித்ததாகவும் சொல்லியிருந்தார்.

நான் பிறக்கும் முன்னரே ஆனந்த விகடன் பத்திரிகையில் முத்திரை கதைகளை எழுதி தமிழக வாசகர்களின் மனதை பிடித்து, தமிழர்கள் உலகை வேறுவிதமாக பார்க்கவைத்தவர் நரசையா. அமெரிக்காவும் ரசியாயும் பிரதானமாக கற்றவர்கள சிந்தையையும் சித்தாந்தத்தையும் கோலோச்சிய காலத்தில் கம்போடியா, வியட்னாம் போன்ற நாடுகளை பற்றி ஒருவர் தமிழில் எழுதியதே அதிசயம் என்பதும், அதுவும் சுவாரசியமாக எழுதியது பேரதிசயம் என்பது அக்காலத்தில் அந்த கதைகளை படித்தவர்களின் கருத்து.

கடலோடி நரசையாவின் சுயசரிதை. இந்திய கப்பற்படையில் சேர்ந்து அவர் பணிபுரிந்த கால அனுபவங்கள். ராணுவத்தில் பணி புரிந்த பல இந்தியர் தமிழர் தங்கள் சுயசரிதையை எழுதியுள்ளனர்; ஆனால் அவை ஆங்கிலத்தில்தான் உள்ளன. தமிழில் இன்றளவும் மற்றவர் யாரேனும் எழுதியுள்ளனரா?

நிற்க.

முண்டாசு புலவன்

அவர் இல்லத்தில் சந்தித்த சில நாட்களுக்கு பின் என்னை அழைத்து, எழுத்தாளர் கிருத்திகா எழுதிய பாரதியின் வாழ்க்கை வரலாற்று நூலை கொடுத்து, இதை பற்றி பேச வேண்டிய ஐவரில் நீயும் ஒருவன் என்று ஒரு குண்டு போட்டார். நான் படிச்சதில்லை சார், என்று தயங்கினேன். படிக்க தானே இந்த புத்தகம் குடுக்கிறேன் என்றார். எங்கே நிகழ்ச்சி? திருவல்லிக்கேணியில் பாரதி இல்லத்தில்! கரும்பு தின்ன கூலியா? இந்த மாதிரி வாய்ப்பு யாருக்கு கிடைக்கும்? அற்புதமான புத்தகம். தமிழர்களை தவிர பாரத நாட்டில் பலருக்கும் சுப்பிரமணிய பாரதியை பற்றி எதுவும் தெரியவில்லை என்ற ஏக்கத்தில், கிருத்திகா ஆங்கிலத்தில் எழுதிய நூல். ”வீணையடி நீ எனக்கு, மீட்டும் விரல் நான் உனக்கு” என்ற பாரதியின் பாடல் வரிகளை, யாழில் தவழும் விரல் () என்ற பெயரில் வந்த நூல். அங்குமிங்கும் ஓவியர் கோபுலுவின் கோட்டோவியங்கள்.

நிகழ்ச்சிக்கு சென்றால் அங்கே தொண்ணூற்றுமூன்று வயது கோபுலுவும், எழுத்தாளர் இந்திரா பார்த்தசாரதியும் அடுத்தடுத்து அம்ர்ந்திருந்தனர். என்னை அறிமுகம் செய்து கொண்டபோது, உங்கப்பெயர் என்ன என்று கோபுலு கேட்க, நான் கோபு என்று பதில் கூற, அப்படியா, என் பெயர் கோபுலு என்று அவர் மழலைப்போல் மகிழ்ந்ததில் புல், வைக்கோல், மூங்கில் எல்லாம் அரித்தது. திருவாசகத்துக்கு உருகாதார் கூட கோபுலுவின் சித்திரங்களுக்கு உருகிவிடுவார்; மாணிக்கவாசகரே நேரில் வந்தால், அப்பனே கோபுலு, என்னை ஒருசின்ன சித்திரம் வரைந்துகொடுப்பாயா என்று கேட்டிருப்பார். பாவம் மாணிக்கவாசகர் அவசரப்பட்டு ஆயிரம் ஆண்டுகளுக்கு முன்னரே பிறந்துவிட்டார்.

பாரதி இல்லத்தில் என் உரை
மேடையில் கோபுலு, நரசையா, ராஜ்குமார் பாரதி

சில மாதங்களில் கோபுலு காலமானார். நெஞ்சம் வருடினாலும் நேரில் ஒருமுறையேனும் சந்தித்து சில நிமிடம் பேசினேன் என்ற ஒரு மகிழ்ச்சி.

இபா எனக்கு சொன்ன கதையோ அதிவிசித்திரம். பசுமை புரட்சி எம்.எஸ்.சுவாமிநாதன் கூட்டத்தில்; அவர் மனைவி மீனா சுவாமிநாதனே இந்த நிகழ்ச்சியை நடத்தித்தரும்படி நரசையாவைக் கேட்டுக்கொண்டார். கிருத்திகாவின் மகள் மீனா சுவாமிநாதன். கிருத்திகாவும், நரசையாவின் தாய்மாமன் சிட்டி சுந்த்ரராஜனும் பரிமாற்றிக்கொண்ட கடிதங்களை பின்னர் ஒருநூலாக நரசையா தொகுத்து நூலாக்க, கோபாலகிருஷ்ண காந்தி ஒரு விழாவில் வெளியிட்டார். அதற்கும் சென்றேன்.

கண்ணை கட்டுகிறதா?

தாகூர் கண்ட அகத்தியன்

பெசண்ட்நகர் கலாட்சேத்திரா வளாகத்தில் உள்ள உவேசா நூலகம் போகலாம் வா என்று நவம்பர் 2013ல் நரசையா அழைத்தார். உவேசாவை நம்கால அகத்தியனாக புகழ்ந்து ரவீந்திரநாத் தாகூர் எழுதிய வங்க மொழி கவிதையை தேடி, அவர் கணையாழியில் ஒரு கட்டுரை எழுத நோக்கம். உவேசாவின் தலைப்பாகை, எழுத்தாணி, நாள்குறிப்புகள், என்று பல்வேறு பொக்கிஷங்களை மிகச்சாதாரணமாக கண்டு… நரசையா ஒரு அலுவலருடன் பேச, செய்ய ஒன்றுமின்றி, ஒரு மேசையில் கண்சிமிட்டி அழைத்த ஆனந்தவிகடனை கையிலெடுத்து புரட்டினேன். “எங்க வந்து எதை படிக்கிற,” என்று புறங்கையை செல்லமாக ஒரு மிலிட்டரி தட்டு தட்டினார். நரசையவின் கதைகளை பதிப்பித்தாலும், உவேசாவின் என் சரிதத்தை பதிப்பித்தாலும், பத்துப்பாட்டும் எட்டுத்தொகைக்கும் ஆனந்த விகடனின் அந்தஸ்து ஒரு படி கீழே தான் என்று உணர்ந்த தருணம்.

சித்திரபாரதி நூல் எழுதிய ரா.அ. பத்மநாபனின் அஞ்சலி கூட்டத்திற்கு என்னை அழைத்தார் நரசையா. பீஷ்மர் நகுபோலியனையும் துரோணர் சாமிநாதனையும் சாரதியாய் அழைத்து சென்றிருந்தேன். அங்கு வந்திருந்த பலரும் ஜாம்பவான்களாயினும் மண்டையம் பார்த்தசாரதி ஐயங்கார் அசத்தினார்.

மதுரா விஜயம்

நான் ஒருவாரம் மதுரையில் இருப்பேன், நீ வந்தால் மீனாட்சி கோவிலையும் திருமலை நாயக்கர் மகாலையும் உனக்கு காட்டுகிறேன் என்று நரசையா சொல்ல… விளாடிமிர் பூடின், பராக் ஓபாமா, தங்கள் நாட்டு சிக்கலை சரிசெய்ய என்னை அழைத்த போதும், மகேந்திர சிங் தோனிக்கு வேகமாக ஓட வரவில்லை நீதான் அவருக்கு ஓட்டப்பயிற்சி தரவேண்டும் என்று இந்திய கிரிக்கட் வாரியம் அழைத்தப்போதும், ப்ளூட்டோவிற்கு கிரகம் பிடித்திருக்கிறது நீ தான் வராகமிகிரனின் பிரஹத் ஜாதகம் படித்து அதற்கு ஒரு நல்ல பரிகாரம் சொல்லவேண்டும் என்று அனைத்துலக அஸ்ட்ரானமர் சங்கம் அழைத்தபோதும்… போதும், போதும், நண்பன் கருணாகரனுடன் நான் மதுரை சென்றேன்.

திருமலை நாயக்கர் மகாலில்

முதல் நாள் நரசையாவின் ஏற்பாட்டின்படி மதுரை தொல்லியல் நிபுணர் சாந்தலிங்கத்தம் என்னையும் கருணாகரனையும் மதுரையில் ஆனைமலை, அரிட்டாப்பட்டி, தென்பரங்குன்றம், சமணர் மலை என்று பல தொன்மையான இடங்களுக்கு அழைத்து சென்றார். இரண்டாம் நாள் என் தம்பி ஜெயராமனும் மதுரை வந்து சேர்ந்துகொண்டான். காலை இரண்டு மணிநேரம் மதுரை மீனாட்சிகோவிலை ஒரு சிற்பம், தலம், ஓவியம் விடாமல் நரசையா காட்டினார். அதன்பின் அருகேயிருக்கும் கூடலழகர் கோவில், மதனகோபாலசாமி கோவிலுக்கும் அழைத்துச்சென்றார். கூடலழகர் மூன்று தளங்களில் திருமால் நின்ற கிடந்த அமர்ந்த கோலங்களிலுள்ளார். உத்திரமேருர் சுந்தரவரதர் கோவிலைப்போல். மதனகோபாலசாமி கோவிலிலிருந்து ஒரு மண்டபம் அமெரிக்காவிற்கு சென்று பிலடெஃபியா நகர அருங்காட்சியத்தில் உள்ளது. ஆலவாய் உரையிலும் நூலிலும் இதை குறிப்பிட்டிள்ளார். கிணத்தை ஆட்டையப் போட்டாங்க என்று சினிமாவில் வடிவேலு வாசகத்துக்கு ஒரு நூற்றாண்டுக்கு முன்னரே இந்த மண்டபத்தின் பயணக்கதை. பாரத நாட்டிலுள்ள பல மண்டபங்களை விட பிலடெல்ஃபியாவில் அந்த மண்டபம் நன்றாக பராமரிக்கப்படுகிறது. 

மறு நாள் கழுகுமலை, திருவில்லிபுத்தூர், அதனருகே கிருஷ்ணன்கோவில் கிராமத்தில் நான் படித்த அருள்மிக கலசலிங்கம் பொறியியற் கல்லூரி சென்று வந்தோம். ஐயா வரவில்லை. 

அதற்கடுத்த நாள் திருமலை நாயக்கர் மகாலை மூன்று மணிநேரம் சுற்றிக்காட்டினார். ஒரு பொறியாளர் பார்வையிலும், வரலாற்று ஆய்வாளர் பார்வையிலும் பல விளக்கங்கள். இந்த பதிவில் எழுத இடமில்லை. முக்கியமாக எல்லீசன் கல்வெட்டை காட்டினார். அந்த கல்வெட்டில் எல்லீசன் எழுதிய தமிழ் பாடலை நான் ஆங்கிலத்தில் மொழிபெயர்த்தேன். நரசையாவின் உதவியில் எல்லீனை பற்றி பல தகவல்களை நமக்கு திரட்டி தந்த அமெரிக்க பேராசிரியர் தாமஸ் டிரௌட்மனின் தொடர்பும் நட்பும் கிடைத்தது. சமீபத்தில் சென்னைக்கு அவர் வந்தபொழுது ரோஜா முத்தையா நூலகத்தில் எல்லீஸ் ஆராய்ச்சியின் அடுத்தக்கட்டத்தை பற்றி உரையாற்றி, நரசையாவின் பெரிய பங்களிப்பையும், என் சிறுதொண்டையும் குறிப்பிட்டார். என் இல்லத்திற்கு மதிய உணவுக்கு வந்து மகிழ்வித்தார்.

என் இல்லத்தில் தங்கை தேவசேனா,
டிரௌட்மன், நரசையா, நான், தம்பி ஜெயராமன் 

என் வாழ்வில் கிடைத்த தலைசிறந்த பாக்கியங்கள் என்று இந்த கட்டுரையை தொடங்கினேன். இன்னுமோர் பாக்கியம் இந்த வாரம் வருகிறது. ஜூலை 24 2019 புதன்கிழமை மாலை 6.45 சென்னை தியாகராய நகர் டக்கர் பாபா பள்ளியில், காந்தி கல்வி நிலையத்தின் புதன் வாசகர் வட்டத்தில் கடலோடி நூலை பற்றி உரையாற்றவுள்ளேன். அவசியம் இந்த அதிசய மனிதரின் வாழ்க்கையை பற்றி தெரிந்துகொள்ள வாருங்கள்.

ஆசிர்வாதம் கூட வாங்கிக்கொள்ளலாம். வெள்ளிக்கிழமை அவரது பிறந்தநாள்.

நரசையா கட்டுரைகள் 

Subramania Bharathi’s essays and Short stories

SamratAsoka – book release function

மதராசபட்டினம் நூல் விமர்சனம்

ஹிட்லர் மகன்

ரா அபத்மநாபன் அஞ்சலி

Thomas Trautmann on Francis Whyte Ellis

Ellis inscription – 1 – சென்னைப் பட்டணத்து எல்லீசன்

Ellis inscription – 2 – ஜார்ஜ் மன்னன் மெய்கீர்த்தி

Rabindranath Tagore on UVeSwaminatha Iyer

நூல் விமர்சனங்கள் Index of book reviews

தமிழ் கட்டுரைகள்

• அறிவியலின் எல்லை (Limits of Science by Peter Medawar)
• கப்பலோடிய ஆங்கிலேயர் (Darwin's Armada by Iain McCalman)
• ராதிகா பார்த்தசாரதி கட்டுரை, சீனிவாசன் ஒலிப்பதிவு
• கோயிலும் கல்கியும் 1 - அறிமுகம்
• கோயிலும் கல்கியும் 2 - சிவகாமியின் சபதம்
• ஓங்கியப்பீடம் (The Commanding Heights by Yergin and Stanislaw)
• என்று தணியும் இந்த மார்க்ஸிஸ மோகம்
• சீன பொருளாதார சீர்திருத்தம் – வழிகாட்டிய ஜப்பான்
• நரசையாவின் மதராசபட்டினம்
• நான் தமிழ் இலக்கியத்தை வெறுத்த கதை

என் வலைப்பூவின் பொருளடக்கம்

English essays

• The Limits of Science by Peter Medawar
• Genghis Khan and the making of the modern world by Jack Weatherford
• The Commanding Heights by Daniel Yergin and Joseph Stanislaw
• A Lack of economic knowledge
• What Deng Xiaoping learnt from Japan
• Alberto Fujimori - Peru's Japanese President

Book reviews by others

• 1493 by Charles C Mann (lecture by author)
• Vali Vadham by S Ramakrishnan (review by S Kannan)

Contents Page for my Blog, grouped by Subject

Videos of my book reviews (Tamil)
நூல் விமர்சன வீடியோ பதிவுகள் (தமிழ்)

• ஆலன் பெட்டியின் போலி பொருளாதாரம்
• நரசையாவின் மதராசபட்டிணம்
• நரசையாவின் கடலோடி
• ஜெ.கே.ரோலிங்கின் ஹாரி பாட்டர் 
• Adventures in the ScreenTrade by William Goldman
• திரையுலக சாகசங்கள் - பகுதி 1
• திரையுலக சாகசங்கள் - பகுதி 2

Videos of my book reviews (English)
நூல் விமர்சன வீடியோ பதிவுகள் (ஆங்கிலம்)

Genghis Khan and the Making of the Modern World by Jack Weatherford 
The Importance of Being Earnest - Oscar Wilde

சென்னை நகரத்து நூலகங்கள்

தீவுத்திடலில் ஜூன் 2016 நடந்த சென்னை புத்தக கண்காட்சியில் சென்னை நகரத்து நூலகங்கள் என்ற தலைப்பில் உரையாற்ற நண்பர்கள் பிரதீப் சக்கரவர்த்தியும் பிரியா தியாகராசனும் பபாசி நிறுவனத்தின் சார்பில் கேட்டனர். மகிழ்ந்தே ஒப்புக்கொண்டேன். ஒரு சில நூலகங்களுக்கு சென்று, அங்குள்ள அலுவலர்களோடு பேசி, சில தகவல்களை சேகரித்தேன். 

சிறு வயதிலேயே கன்னிமாரா நூலகத்திற்கு என் தாய் புஷ்பாவுடன் சென்றுள்ளேன். அம்மா எத்திராஜ் கல்லூரியில் எம்.ஃபில். பொருளியல் படித்துவந்தாள். சில சனிஞாயிறு அன்று கன்னிமாரா செல்லும்போது என்னையும் அழைத்துச்செல்வாள்.

கன்னிமாரா நூலக புதிய கட்டத்தில்

கன்னிமாரா நூலக பழைய கட்டத்தில்

மதறாஸ் இலக்கிய சங்க நூலகம்

 அக்காலத்தில் தமிழ் படிக்கும் ஆர்வமேதும் இல்லை. குமுதம் கல்கி ஆனந்தவிகடன் பத்திரிகைகளில் வரும் துணுக்கு ஓவியங்களை (கார்ட்டூன்) மட்டும் படித்து ரசிப்பேன். எப்பொழுதாவது பாக்கியம் ராமசாமியின் அப்புசாமி கதைகளை வாசித்து காட்டுவாள்; ரசகுண்டு பேரை கேட்டாலே சிரிப்பு வரும். எனக்கு ஒன்பது வயதிருக்கும். ஆங்கிலத்தில் படிப்பதிலும் ஆர்வமில்லை. ஆனால் சென்னையிலிருந்து புனே செல்லும் ரயிலில், பொழுது போக்க யாரோ கருடன் எனும் அமர் சித்ர கதா ஓவியக்கதையை (காமிக் புத்தகம்) வாங்கி கொடுக்க, காமிக்புக் மோகம் பிறந்தது. ஆங்கிலம் மட்டுமே. முப்பது வயது வரை தமிழில் ஆர்வம் வரவில்லை.

சிறுவயதில் தந்தையுடன் ஓரிரு முறை மயிலை ரணாடே நூலகத்திற்கு சென்றுள்ளேன் – ஏதோ ஒரிரு மாலை வேளை ஏதாவது சில மாதாந்திர பத்திரிகை அல்ல செய்தித்தாளை படிக்க போவார். அதன் வாசலில் நிற்கும் நடமாடும் தபால்வண்டியை (சிவப்பு வேன்) ஒரு முறை அவர் காட்டினார். வாய்பிளந்தேன்.

கடந்த சில வருடங்களாய் கோட்டூர்புரம் அண்ணா நூற்றாண்டு நினைவு நூலகத்திலும் அடையாறு கே.வி.சர்மா நூலக்த்திலும் பற்பல நாட்கள் நாலைந்து மணிநேரம் படிக்கும் இன்பத்தில் மூழ்கியுள்ளேன். உவேசா நூலகத்திற்கு நரசையா அழைத்து சென்று தமிழ் தாத்தாவின் கையெழுத்தும் சன்னதும் ஓலைச்சுவடிகளையும் ரவீந்திரநாத் தாகூர் எழுதிய வாழ்த்தையும் பார்த்தது மறக்க முடியாத திருநாள். அங்கு நண்பர் உத்திராடம் பணியாற்றி வருகிறார்; அவரைக் கண்டதும் ஒரு இன்ப அதிர்ச்சி. அவர் சென்னை கிறுத்துவ கல்லூரி பேராசிரியர் பாலுசாமியின் மாணவர்; பல முறை பேசி பழகியுள்ளோம். உவேசா நூலகத்தை பற்றிய பல தகவல்களை அளித்ததுடன், தே.சிவகணேஷ், ஐ.சிவகுமார் எழுதிய “சென்னை நூலகங்கள்” என்ற புத்தகத்தையும் காட்டினார். கைத்தல நிறைகனி! எல்லா நூலகத்திலும் வாசலிலே வரவேற்கும் மாவிலைத் தோரணம் போல இந்நூலை காட்சி வைக்கலாம்.

இருளில் ஒலித்த குரல்

ஒளிமயமான பிரதீப் உரை

நண்பர்கள் ராம்கி, சேவாலயா முரளிதரன், காந்தி நிலையம் அண்ணாமலை ஆகியோர் அறிவுருத்தி சைதை காந்தி நூலகம் பற்றி அறிந்தேன். அதன் நிறுவனர் மகாலிங்கத்தின் மகன் நித்தியானந்தரை பலமுறை டக்கர் பாப்பா காந்தி நிலையத்தில் புதன்கிழமை நூலாய்வுகளில் சந்தித்துள்ளேன். மகாலிங்கம் ஆச்சரியமானவர். கல்கி, ராஜாஜி, மாபொசி, ராஜம் ராமசாமி, கண்ணதாசன், பரளி சு நெல்லியப்பர் என்ற பல ஜாம்பவான்கள் தன் நூலகத்திற்கு வந்த வரலாற்று சம்பவங்களை பேசி நெகிழ வைத்தார். 

அதே போல் திருவல்லிக்கேணி கஸ்தூரி ஸ்ரீநிவாசன் நூலகத்து நிறுவனர்கள் நரசிம்மன்னும் பார்த்தசாரதியும் அன்பாக பேசியதோடு, இதே ஜாம்பவான்கள் தங்கள் நூலகத்துக்கு வந்ததை சொல்லி அசரவைத்தனர். எம்.எஸ்.விசுவனாதனுக்கு “மெல்லிசை மன்னர்” என்ற பட்டத்தை அளித்ததே இவர்களது திருவல்லிக்கேணி கலாச்சார மன்றமே என்று தெரிந்ததும், நூலகத்தில் புத்தகத்தை தாண்டி எத்தனை அதிசயங்கள் உள்ளன என்பதை புரியவைத்தது.

அந்நாளில் சேப்பாக்கத்தில் சென்னை பல்கலைக்கழக வளாகத்தில் இயங்கிய அரசு கீழ்திசை சுவடி நூலகத்திற்கு சென்றபோது, அதன் இயக்குனர் சந்திரமோகன் அவர்களே பொறுத்து பல தகவல்களை அளித்தார். இந்த சுவடி நூலகம் சமீபத்தில் கோட்டூர்புரம் அண்ணா நூலகத்திற்கு இடம் மாறியுள்ளது. வரலாற்று புகழோடு அரிதான களஞ்சியமாக திகழும் நூலகம் என்பதால், ஓலைச்சுவடிகளையும் அவற்றின் பாதுகாப்பு முறைகளையும் படமெடுத்துக்கொள்ளலாமா என்று அனுமதி கேட்டேன். மறுத்துவிட்டார். ஆனால் தன்னுடைய கணினியில் வைத்திருந்த படங்களை படமெடுக்க அனுமதித்தார். அடுத்த நாள் அடையாறு நூலகமும் இதைப்போல் அனுமதி மறுத்தது. பின்னாளில் அடையாறு நதி வரலாற்று தேடலின் போது நண்பர் வெங்கடேஷ் ராமகிருஷ்ணன் அனுமதி பெற்று, அடையாறு நூலகத்து அரிய நூல்களையும் பார்க்கும் வாய்ப்பு கிடைத்தது. முகமதிய நூலகத்தின் மேலாளரை பார்த்து தகவல்கள் பெற்றுக்கொள்ள நண்பர் கோம்பை அன்வர் அறிவுருத்தினார். மூன்று முறை சென்றும் அவரை சந்திக்க முடியவில்லை. மயிலை ராமகிருஷ்ண மடத்து நூலகத்திலும் மேலாளர் சென்ற போது இல்லை, அவர் அனுமதியின்றி ஒன்றும் செய்ய முடியவில்லை, படம் கூட எடுக்கவில்லை.

ஒரு மணி நேர உரைக்கு தயாரான பின் நாற்பது நிமிடமாக சுருங்கியது. கொஞ்சம் வேகவேகமாக பேசினேன். 1950களோடு நிறுத்திக்கொள்ளும் நிலமை, சில நூலகங்களை பற்றி பேச இயலவில்லை. இணையமே இன்று அனைவருக்கும் நூலகமாயினும், காகித புத்தக நூலகங்கள் வழக்கொழியவில்லை.

காணொளி பதிவாகவில்லை என்பதால் ஒலிப்பதிவுடன் படங்களை சேர்த்து காணொளியை நான் படைத்து இணையத்தில் ஏற்றியுள்ளேன். கீழே காணலாம்.

வத்தல்குழம்பு சம்பவம், சின்ன மழையில் தவித்தாலும் பெருவெள்ளத்தில் தப்பித்த நூலகம், ஆங்கிலேய உவேசா என்று அழைக்க தகுந்தவர் யார், எகிப்து மன்னர் கொடுத்த பரிசு, நூலகவியலின் தந்தை, அவர் வகுத்த ஐந்து விதிகள், தமிழில் மருத்துவ நூலை எழுதிய அமெரிக்கர், சிவலிங்க வடிவிலுள்ள ஓலைச்சுவடி நூல், திபெத்திய திபிதகம் என்று பல சுவையான தகவல்கள் இவ்வுரையாய்வு தேடலின் போது கிடைத்தன. இதையெல்லாம் காணொளியில் பார்க்கலாம். இந்த நூலகங்களுக்கு நேரில் சென்றும் காணலாம்.  

 சென்னை நகரத்து நூலகங்கள் - video

உறவுடை சுட்டிகள்

ஞானதேவதைகள் – அமெரிக்க தேசிய நூலகத்து ஓவியங்கள்

படிக்கும் பரவசம் (English)

தொட்டில் பழக்கம்

ரவீந்திரநாத் தாகூர் இயற்றிய உவேசா வாழ்த்து

ஒரு ஆங்கிலேயனின் தமிழ் கல்வெட்டு

இந்த உரையின் ஒலிப்பதிவு

Books I read in 2016

This book list of what I read in 2016 in inspired by a similar list by Kishore Mahadevan (after prompts in earlier years by Ramanan Jagannathan and Jeyannathann Karunanithi )

First I list English books, by category. The Tamil books are listed at the end - a very short list, sadly.

I have blogged, recently, or in the past, about things i have learnt or enjoyed from these books. The web links marked in this essay are for such essays in my blogs NOT the books themselves.

History

• The Age of Tirugnanasambanda by Sundaram Pillai
• Ten Tamil Idylls by Sundaram Pillai
• History of the Tamils by PT Srinivasa Iyengar
• Pre Aryan Tamil Culture by PT Srinivasa Iyengar
• Augustan Age of Tamils by S Krishnaswamy Iyengar
• Origin of the Tamil Vellalas by Tamby Pillai
• 2000 Years of Mamallapuram by NS Ramaswami
• Pallava Art by Michael Lockwood
• Seven pagodas on the Coromandel Coast by Captain MW Carr
• Pattadakkal by ASI
• Genghis Khan and the Making of the Modern world by Jack Weatherford
• Kanchi - The City of temples by Narayanswami
• Mamallapuram THT Site Seminar Source Book by S Swaminathan

History - (read parts)

• Madras Literary Society by NS Ramaswami
• South Indian Inscriptions Vol I
• The Ancient Art of Writing (Selections from History of Chinese Calligraphy)
• The Art and Aesthetics of Form (Selections from History of Chinese Painting)
• The Penguin Book of Modern Indian speeches
• The Story of the Stupa by AH Longhurst
• Ancient history of the Deccan by Jouveau Dubreuil
• The history of Tinnevelly by Robert Caldwell
• Madras Journal of Literature and Science
• A Short History of Russia by Mary Platt Parmele

Grammar (read parts)

• Systems of Sanskrit Grammar by Shripad Krishna Belvalkar
• Tolkappiyam by Tolkappiyar

Economics

• False Economy by Alan Beattie
• Arthashastra by Thomas Trautmann
• The Big Short by Michel Lewis

Fiction

• Around the Moon by Jules Verne
• Five Weeks in a Balloon by Jules Verne
• Five Little Pigs by Agatha Christie
• Morality for Beautiful Girls by Alexander McCall Smith
• The Importance of Being Earnest by Oscar Wilde
• Tales from Kathasarit sagara (Amar Chitra Katha)
• Great Sanskrit plays (Amar Chitra Katha)
• Jataka Tales (Amar Chitra Katha)
• Calvin and Hobbes (several books)
• 
  
• Panchatantra by Arthur Ryder (partly)
• The Four Million by O Henry (partly)

Biography

• Benjamin Franklin by Edmund Morgan
• My Life and Work by Henry Ford
• Edison, His Life and Inventions by Frank Lewis Dyer & Thomas Commerford Martin
• James Watt by Andrew Carnegie
• The Facebook Effect by David Kirkpatrick
• Tubes by Andrew Blum
• The Cavendish Laboratory by Egon Larsen
• Creating the Twentieth Century by Vaclav Smil

Biology

• The Panda's Thumb by Stephen Jay Gould
• The Demon under the Microscope by Thomas Hager
• Oxygen by Nick Lane
• The Fossil Hunter by Shelley Emling

Biology (read partly)

• Contributions to the theory of Natural Selection by Alfred Russel Wallace
• On the study of Zoology by Thomas Henry Huxley
• The Naturalist on the River Amazons by Henry Bates
• Life's Engines: How Microbes made earth habitable by Paul Falkowski

General

• How to Fail at almost everything and still win Big by Scott Adams
• What I saw at the Revolution - My years in the Reagan era by Peggy Noonan

General (read partly)

• Lives of the Ancient Grecians and Romans by Plutarch
• The Spirit of Japan by Rabindranath Tagore
• Dreams to Automobiles by Len Larson
• The Early History of the Airplane by Orville and Wilbur Wright

Chemistry (all read partly)

• Vital Forces by Graeme Hunter
• Familiar Letters on Chemistry by Frieherr von Justus Leibig
• Experiments and Observations on Different kinds of Air by Joseph Priestley
• Elements of chemistry by Antoine Lavoisier

Tamil (all read partly)

• Purananooru commentary by UVe Swaminatha Iyer
• Silappadikaram commentary by UVe Swaminatha Iyer
• Madrasapatnam by KRA Narasiah
• Paalarril oru Pagarkanavu - essays by Kalki
• Magaraajanai Iru - essays by Kalki
• Mamallapuram 2010 by R Nagaswamy
• Thillaiyil oru Kolllaikkaaran by Anusha Venkatesh
• Payana Katturai - Mamallapuram - by Kalki
• Pullamangai by S Vasanthi

I read quite a number of things online (several in Wikipedia), including long essays. Scott Adams' blog was perhaps the most mind-altering.

மதராசபட்டினம் நூல் விமர்சனம்

காந்தி கல்வி நிலையம் நடத்தும், இந்த வார புதன் கிழமை (13.04.2016) கூட்டத்தில் “மதராசப்பட்டினம்" என்ற திரு. நரஸய்யா அவர்களின் புத்தகத்தை அறிமுகம் செய்து பேசுகிறேன். சென்னை தியாகராய நகரில் வெங்கட்நாராயணா சாலையில், தக்கர் பாபா பள்ளிக்கூடத்தில், (நந்தனம் சிக்னல் அருகே) காந்தி கல்வி நிலையம் பல வருடங்களாக புதன்கிழமைகள் தோறும் புத்தக கலந்துரையாடல் நடத்துகிறது.

நேரம்: மாலை 6.45 முதல் 7.45 வரை

ஒரு நகரத்துக்கும் வரலாறு எழுதமுடியுமா? எழுதினால் யார் படிப்பார்கள்? இந்தியருக்கும் தமிழருக்கும் வரலாற்று உணர்ச்சி ஏதும் இல்லை என்று மேற்கத்தியர் பலரும் கருத, நெடிய வரலாற்று நூல்களை படிக்கவே ஆளில்லாத போது, இந்த ஊரில் சொல்ல என்ன உள்ளது?

வரலாற்று பேராசிரியர்களோ மற்ற எழுத்தாளர்களோ எழுதாத போது ஒரு கப்பல் துறை பொறியாளர் ஏன் இந்நகரத்து வரலாற்றை எழுதவேண்டும்?

மதறாஸ்? சென்னை? ஆங்கிலேயர்  கட்டிய நகரமா இந்திய நகரமா தமிழ நகரமா? மதுரைக்கும் தஞ்சைக்கும் காஞ்சிக்கும் இல்லாத புகழ் ஏதோ சென்னைக்கு உண்டா?

கொல்கொத்தாவும் பம்பாயும் அல்லவா உலக புகழ் பெற்ற நவீன் மாநகரங்கள் – சென்னை எம்மாத்திரம்?

என்னத்தான் இருக்கிறது சென்னையை பற்றி எழுத? 

நூலில் நரஸய்யா சொல்லும் விவரங்களை புதன்கிழமை எடுத்துச்சொல்வேன்.

மதராசபட்டினம் வலைப்பதிவுகள்

ஐகோர்ட்டின்அலங்காரச்சிந்து

மயிலாப்பூரில்பல்லவர் இசை

போர்க்காலத்தில் சென்னை - இரண்டாம் உலகப்போர்

போர்க்காலத்தில் சென்னை - முதல் உலகப்போர்

ரா அ பத்மநாபன் அஞ்சலி

மென்பொருள்முகவர் முனைவகம்

Tagore on UVe Swaminatha Iyer

Chennai? China?

Erdos poem on Madras 

The Thames and the Couum

FW Ellis

An evening with Pam and John Davis

புத்தக விமர்சன வலைப்பதிவுகள்

உலக பொருளாதார வரலாறு

கப்பலோடிய ஆங்கிலேயர்

Guns Germs and Steel

காற்றை கறந்து எரு படைத்த மேதையர்

Harry Potter - Book review video

Samrat Asoka - Book release

Speaker : Chidambaram

"Much of American English is stylistic error. Much of Indian English, especially pulp fiction is not even English," said P Chidambaram at the book release of Siddharthan's Samrat Asoka. It was organized by Madras Book Club, at the Binny room of Vivanta by Taj, formerly called Hotel Connemara, on 13 February 2016. Mr Madhu compered the program.

“Many of you may know I have become a publisher in the last six months. We undertake to sell new authors' first books. We commit to sell 2000 books but we can barely sell a few hundreds.

In a way Kindle has killed books. I have a grand daughter who is a book worm. She stopped buying books after she got a kindle. I've nothing against the kindle, it is a library you can carry along.

I know Tamil writers who have given up writing because they can't publish and sell. Latin and Sanskrit are virtually dead. And Tamil is faced with death. Schools and colleges don't buy books anymore.

I'm glad there is a book club but depressed it has only 350 members. Teach your children and grandchildren to read and love books.

We love listening to the Ramayana over and over even though we know how it ends and what episode comes next. I don't think in any other country, the same story is told so many million times as the Ramayanam and Mahabharatha, in so many languages. I have forgotten the Greek stories of Theseus and Perseus that I learnt in school.

Asoka's story is almost as well known. I congratulate author

Siddharthan for rewriting his four volume Tamil book into English.

Clearly he is influenced by Kalki and acknowledges it.”

Speaker : Ramnarayan

“Talking after Chidambaram is like batting after Tendulkar,” said V Ramnarayan, editor of Sruti magazine. “I had the pleasure of listening to Mr Gauthama Neelambaran analyse the Tamil version of Asokan at Tamil Puthaga Nanbargal. We visited Mr Siddharthan later, and he sang for us. What an allrounder!

We live in an era of intolerance for the other voice. I suppose intolerance has become a bad word now. Asoka was the king who signified great tolerance, after his change of heart of Kalinga war. I congratulate Rishikesh who edited and Maniam Selvan who did the cover art. 

He wrote a book called Vaishali about a trade union leader and a book about the period when Pallava rule ended and Chola role began. 

Technology is the enemy of good editing and proof reading. In Era Murugan’s book Arasur vamsam, the word Ayyan had been changed to Ayyar just before printing and we had to go through it all over again.

Our club membership is mostly geriatric but hopefully we can encourage our children to read.”

L-R: Siddharthan's wife, Ramnarayan, Chidambaram, Narasiah. Siddharthan

Speaker : Siddharthan

Author Siddharthan, said “I came here only to listen; what I want to say I've written in the book. 

Sivakamiyin Sabatham had released when I was young and I was first to read every episode in my club. 

Historical writing is confined to a framework of history. Historians will jump on your mistakes. But the advantage is that the character can be different from the real person. The novel can suppress a historical character’s bad qualities and promote his virtues. 

I wanted to avoid writing about kings. I met writer Sivapadasundaram who had traveled Buddhist sites like Gaya. I was inspired to write about Buddha (whose original name Siddhartha I have used as pseudonym). Constantine was the Asoka of Christianity. Asokan period of Indian history was an international period of Indian history, not national or regional. As Nehru said, he sent missions to other countries, not as a superpower but in peace.

Kalki wrote about greatness of Tamil, arousing Tamil nationalism the before Independence. He exhausted the national movement also with Alai Osai. So I had to find a different era to write about.

We have assimilated so many cultures that conquered our nation. My elder sister Rajam Krishnan is my guru. She would go to the territory of her novel and move with the people before her books. I adopted that method. Many incidents in my novel are set in Kashmir. Srinagar was founded by Asoka. He visited Burma too, which he called Swarnapuri. 

I found Asoka the ideal hero for my book. I took five years to write the Tamil book two years to translate to English. I don't know if some one else could have translated as well so shortly though their English vocabulary may be better. 

Intolerance has always been there. But the majority of Indians are not intolerant. In every thing Buddha advices Madhyama maarga. Jains asked for fasting to clean up all sins. Buddha tried that but consuming Sujatha's offer of milk he chose a different path.. Middle way. Madhyama marga. This we have assimilated in our nation. Sober people will always be the majority and they will and have always chosen Madhyama marga

'Poorana jnanam pongiya naadu..Buddha piran puzhangiya naadu..' said Bharathi. 

There are all kinds of preachers emotional and extremist, but the middle way, best advocated by Buddha will prevail. Jai Hind," he finishes.

Speaker : Narasiah

KRA Narasiah  in his presidential address, said, “Fictionalisation of history and historisation of fiction are always competing. Kalki was perhaps more historical than Chaandilyan, but they both had lots of gray areas to deal with. To a sailor like me, who has travelled the oceans, Kadal Puraa is laughable, but others may enjoy it. But their books are still popular! Publishers tell me they are still best sellers at every book fair.

Siddharthan differs from them. He has taken Asoka, a difficult character. Who ruled 37 years, a quarter of the Mauryan era. Asoka's history is well recorded. We know Maurya history from the Nanda period well before Maurya era. Nanda hoarded treasure as he was greedy and Chanakya tried to distribute it to the people. In Kurnthokai, song 75 by Moosu Keeranar, a lady tells her friend, “If what you say about the hero is true, I will give you as much treasure as Nanda has.” In Agananooru song 265 by Mamoolanar also, the wealth of Pataliputra ruled by Nanda is mentioned. These songs may be 500 years after Nanda period. And in that period, history was recorded and preserved well and captured in literature.

Siddharthan did not have the freedom of Kalki and Chaandilyan, and he has kept sincerely to narration of Asoka. 

I knew Sivapadasundaram personally, friend of my uncle, the writer Chitti. The author has borrowed perhaps from Sivapadasundaram’s book Buddharin Adichuvattil. His Tamil is wonderful. He has written fairly well in English also. Very readable. As he said it was easy for him than any other translator, because he had to retell, not reconstruct.”

Speaker : Smt Siddharthan

Mrs Siddharthan, who gave the vote of thanks, said her husband has become tolerant and he forgave her when she made some mistake that nearly ruined a days work. She produly quoted VaVeSu, who quipped that the book will make any reader a better human being.

Footnotes

Mr Venu Sundar, son of author Chitti Sundararajan, introduced me to the author, after the event, and the latter invited me to visit!

Earlier, the pav bhaji was good, the brownies were better. At least one gentleman had his dinner and the next day’s breakfast too. Friends Muralikrishna, Bafna, Viswanathan, David Michaelangelo were also in attendance. 

Corrections (Feb 15, 2016)

1. I had wrongly listed Agananooru song as number 375, Mr Narasiah says it is 265, by the poet Mamoolanar.

2. I had written that "Kalingathu Barani also mentioned Asoka’s Kalinga war, a thousand years later." Mr Narasiah says that what he actually said was : "Continuity in reporting has been throughout, from Asoka's war to Chola's war" 

3. The right word is historisation not historification, Narasiah adds.

Related Links

1. Vaishali

2. Rajaji, the writer

3. Vai Mu Kothainayagi

4. ரா. அ. பதம்நாபன் அஞ்சலி

5. நூல் அறிமுகம் - Guns, Germs and Steel

6.  கோயிலும் கல்கியும் - 1